勁突然！柯嘉琪晒凸肚自爆佗B

藝人柯嘉琪（Kiko）近年話希望可以30歲前結婚，但可惜佢一直透露未有男朋友，今日佢突然喺社交網自爆有咗BB，上載一張着住三點式坐喺沙灘上嘅相，指可以名正言順過無腰日子：「感謝，這天賜的禮物..The Best Gift of 2019* #忍了很久的好消息要公佈了#名正言順沒有腰的日子#著（着）泳衣也不用縮肚非常爽」唔少網友都留言恭喜，祝賀佢做媽媽！

柯嘉琪回覆東網，指現在懷胎七個半月，預產期喺九月：「係有計劃（有BB），當係三十歲後嘅任務，而家心情好期待，都有參加產前班，希望將來可以餵母乳。我另一半係做生意嘅圈外人，希望生完收身、狀態好後，先至影婚紗照同擺酒。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。