甩拖睇動漫 李晨打波露拔罐印

2019年07月17日 21:12
東網電視
更多新聞短片
分手後,生活繼續精彩。

內地男星李晨上月宣布同范冰冰結束四年情,之後李晨一直未有公開露面,只係約埋班朋友打波療情傷。李晨尋日喺北京出席動漫首映,今次係佢分手後首次出席公開活動,有唔少網友都「野生捕獲」佢,見甩拖後嘅佢,以休閒打扮示人,仲剪咗一頭清爽髮型,望落除咗精神之外,仲年輕唔少。而睇完戲之後,佢又同現場觀眾分享感受,大讚電影好好睇,而面對觀眾嘅鏡頭,佢亦表現親民,笑容滿臉咁對住觀眾。

另外,佢喺微博上載節目花絮照,見佢同一班中國女子輪椅籃球隊打波,仲話深受對方感動。睇番啲相,見李晨打得非落力,仲趴地搶波,着住波衫嘅佢仲露出背上嘅肌內效貼布同埋拔罐印。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。