晒八級舞藝!Aka血染芭蕾舞鞋頂硬上

20190719
東網電視
更多新聞短片
Aka喺新歌MV大跳芭蕾舞。
女子組合Super Girls隊長趙慧珊(Aka)新歌《生來起舞》,故事取材自她的親身經歷,講述自小學跳芭蕾舞的她,過程中遇上無數挫折、失落、調整、失敗等,她說:「我想用跳舞去比喻人生,初頭跌跌碰碰時,能慢慢搵到自己嘅路,就算當中係跌倒過,或者失敗幾多次都好,其實人生最成功係遇到失敗後仍相信自己係可以,先係最成功嘅地方。」
練習時整傷腳
日前Aka為新歌拍攝MV,走訪多個地方拍攝,其中她更換上芭蕾舞衫上陣,與好友一起晒八級舞藝,她說︰「導演話好想睇到我跳芭蕾舞,讚我跳得好靚。好開心請到我一位好朋友一齊跳,兒時一齊跳芭蕾舞一齊長大。」但她直言入行後已甚少練習︰「今次跳芭蕾舞,事前都要花時間Pick Up番,對於我嚟講有少少吃力,畢竟依家冇十幾歲時筋骨咁軟同肌肉郁得咁靈活。」結果練習時已整親腳,她說︰「練習時隻腳擦損流血,冇咗皮得肉,整到隻鞋都紅色,自己都覺得有啲核突,拍攝時都係頂硬上,貼咗好多塊膠布,好在跳緊嗰陣專注,都唔係覺得好痛。」
曾想放棄轉行
提到今次的歌曲是其經歷,希望大家遇到失敗不要放棄,她坦言剛入行時聽過一些難聽說話,曾想過放棄轉行:「作為一個藝人,好多時係好努力去做好多嘢,你覺得呢個作品大家可能會好欣賞你的努力,但原來大眾未必咁容易接受,或者咁受歡迎,點都會有啲沮喪。」不過Aka表示︰「好在有屋企人同仲支持緊我嘅人,我都會覺得仲有人支持我,我都唔係咁差啫,會有好大鼓勵,我媽咪同我阿妹係開解我最多嘅人,而且有好多好朋友,會搵佢哋傾訴,依家覺得自己冇走錯路。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。