《十二傳說》扮正經!黃建東兇狠做施刑者

20190719
東網電視
更多新聞短片
黃建東要喺《十二傳說》入面扮正經。
藝人黃建東(東東)向來以自家製二次創作和搞笑見稱,但最近在劇集《十二傳說》的「大學傳說」中,飾演一名有很多感情瓜葛的大學教授,正經演出叫人眼前一亮,他說:「可能今次戴住眼鏡着得斯文見觀眾,加上個角色有好多內心掙扎,收到好多留言話從來冇見過咁樣嘅黃建東,原來我係可以咁認真同嚴肅,唔係淨係搞Gag,多謝監製畀個機會帶出我嘅可能性,同埋要多謝啲好對手,飾演我前女友嘅林夏薇,同埋做我老婆嘅趙希洛等。」
今次東東演出有很多挑戰,包括要被老婆趙希洛用刀刺死倒臥在血泊中:「拍攝嗰幾日用咗好多血漿,成身都血淋淋,因為我戴隱形眼鏡,返到屋企除眼鏡,先發覺原來啲血漿洗唔甩,成對隱形眼鏡都變成粉紅色,最後要掉咗買過對,好大犧牲。」講到最心驚膽跳一幕,就是要用繩勒死一個女學生,再強行淹死另外一個女學生:「做施刑者真係緊張過做受害者好多,因為好擔心會整親人,好似今次要撳個女仔個頭落水,之前都溝通咗好耐,如果佢個頭一退後,代表佢要上水透氣我要即刻放手,所以拍嘅時候雖然個表情要好兇狠,其實內心係心驚膽跳,同埋好大壓力。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。