余香凝去希臘旅行差啲遇險　即刻閂門避禍

藝人余香凝穿吊帶裙出席活動，提到任達華在內地出活動遇襲，她即回想起日前與媽媽及妹妹去希臘旅行時都遇到危險：「我哋搭火車去第二度，期間有個人發晒狂咁喺走廊遠處行過嚟，我見到嗰個人手上好似攞住把刀，但妹妹就睇唔到。我哋三母女坐包廂，對面又係三母女坐包廂，如果有咩都揀我哋先，因為全部女人，我反應都算快，即刻閂咗道門，後尾到第二個站聽到出面有啲聲音，應該係制服咗嗰個人。」她又笑言此事後發現自己原來好驚死。

至於任達華遇襲一事，她謂：「真係估計唔到、冇得控制，希望佢快啲好番，我嚟緊都會去美國同落後地區探訪，屋企人都擔心我，叫我小心啲，我會做好自己，呢啲好難避免。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。