肚屙都救唔番 林秀怡一日食七餐暴肥

2019年07月21日 07:10
東網電視
更多新聞短片
咁食法唔肥就難!

資深傳媒人吳錫輝及林秀怡到廣東省拍攝節目《輝哥為食遊II》尋找地道美食,體驗當地風土人情,品嘗美食同時,亦不忘了解食物背後的起源及文化,秀怡直言獲益良多:「開頭同大前輩合作都有啲擔心,但原來輝哥思想好後生,教咗我好多食物由來同典故,又糾正我懶音。」

拍攝期間一日要食足七餐,雖然品嘗美食很幸福,但秀怡第一日拍攝因尚未適應,晚上肚屙大作:「一早就食生蠔,好鮮甜,之後又食咗好多嘢,因為食得太亂,夜晚個肚就唔舒服,輝哥教我要準備定胃藥,拍攝之前都要食定保護腸胃嘅嘢。(咁咪瘦晒?)又唔係,之後適應咗,肥咗好多返嚟。」

問到拍攝趣事,秀怡表示除了食,自己亦要入廚獻技:「最擔心係要食番自己煮嘅嘢!我要去大酒樓整梅菜蒸肉餅,我亂咁嚟,但好在都食得。」她又笑言最難忘邂逅後生靚仔廚師,獲對方教授整湯圓,身邊人員則笑言要幫她「牽紅線」,相當搞笑。

---------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。