新進逃犯剋星！郭富城湛江巡唱有逃犯落網

歌神張學友早前喺內地舉行巡迴演唱會期間，令唔少逃犯相繼落網，因而被內地網民封為「逃犯剋星」，估唔到依家連天王郭富城都有份立功！根據內地媒體所講，郭富城前晚喺廣東湛江舉行巡唱，而喺演唱會開始之前，當地公安就喺現場發現咗一個網上逃犯並將佢帶走。有網友就搞笑話：「絕對是郭富城的忠誠粉絲，冒着生命危險去的！」仲話郭富城已經成為咗新進「逃犯剋星」添！

而郭富城前日下午都有喺社交網分享綵排嘅相，並留言：「做演唱會永遠有着無窮的樂趣，因為當中是存在許多的挑戰，而好玩的地方就是如何把挑戰一一的克服。」網友睇完騷都紛紛去留言大讚好睇呀！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。