10歲囝囝自爆脫單 林子博嚇親:以為拍拖

20190723
東網電視
更多新聞短片
原來講歲數!
藝人林子博與囝囝為音樂劇綵排,子博大呻怕與囝囝同場:「因為佢會引我笑,忍笑好辛苦,例如有場戲我講爸爸嘅心聲,佢就會爆句『你好似冇咁樣同我講過』,成日搭嘴多口。」問到囝囝可有演戲天分?他表示:「又OK喎,估佢唔到,因為家姐4、5歲就開始拍劇,佢今次第一次演戲,仲要係話劇,本身都驚佢搞唔掂,點知佢啲對白都背得好熟同有戲。」問到姐姐可有教戲?囝囝就踢爆姐姐經常「點」他做事,子博就笑言:「家姐同我講細佬好好戲,因為識得喺我面前做戲,我都唔知。」
講到演出是下月16-18日,其中17日更會演出兩場,子博透露囝囝17號生日,囝囝乘機謂想換新電話,子博即笑言:「我都係用緊舊電話咋!我提早買咗禮物畀佢啦,係支玩具槍,都未買過咁貴嘅嘢畀自己。」他又謂會提早一星期為囝囝慶生,又笑言:「仔話嚟緊生日會『脫單』,以為佢講拍拖,原來佢係講嚟緊生日就係10歲(脫離單位數)。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。