夏韶聲扮邪教教主 炎炎夏日三件大褸開工

20190723
東網電視
更多新聞短片
睇見都辛苦呀!
ViuTV劇集《REBOOT》下星期踏入結局周,故事講述意外獲得超能力的悍警周國賢、古惑仔吳浩康、虔誠神父駱振偉及純樸善良的楊尚友察覺到深水埗被邪教入侵,四人誓要將眾人拯救。
飾演邪教教主的夏韶聲、「Chur姐」岑樂怡(阿妹)日前為劇集趕工,夏韶聲大呻辛苦,為保造型神秘,他需要於炎炎夏日穿三件大褸頂硬上開工:「天氣真係好熱,我仲要有三件大褸係入面,加埋個面具,真係蒸氣焗到睇唔到路!」受訪同時,阿妹以小風扇幫夏韶聲散熱,十分貼心,又笑指在前輩面前,不敢怨辛苦:「做新人點會講辛苦㗎,其實導演都係怕我哋凍,所以畀好多件大褸我哋着,保暖嚟講係有明顯功效㗎!」
阿妹笑言拍《REBOOT》時忍笑「焗蟹」,比高溫下拍戲更辛苦,又指有幸與偶像夏韶聲合作,戲裏戲外都感興奮:「其實之前我哋都合作過,當時我係靈異節目主持,聽佢講外星人,個個見我個樣以為我好驚,其實我係見到偶像緊張,所以今次一齊拍劇做對手戲,直程開心過見UFO!」
此外,阿妹笑言大家聽到她要演邪教教徒時,不少人都問她有否床戲,夏韶聲聞言即表示拍攝床戲十分辛苦:「有次拍攝床戲時要抱住女演員,女演員又要扮掙扎,結果自己手皮都畀佢整損,然後有場掌摑戲,導演叫我大力摑下去,最終我大大力一巴掌打埋佢,對手都喊得自然,順利收工。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。