周杰倫出「新歌」 請槍搵林俊傑彈琴

2019年07月23日 18:32
東網電視
更多新聞短片
周董出大作?

台灣天王周杰倫(周董)成日孖老婆昆凌和一對仔女周圍飛,實行寓工作於娛樂歎世界!不過呢日佢就撇低妻兒,同成班兄弟去日本玩,仲為Fans帶嚟驚喜預告「出歌」﹗事緣周董Upload咗一條片,見戴住黑色口罩嘅佢喺間CD舖見到部鋼琴就技癢,隨手獻技彈出「新碟主打歌」,搞到班Fans勁Hyper,但周董彈咗一小段就被揸機人質疑︰「這首歌好耳熟喔!」周董接話︰「耳熟嗎?我又沒說是我的專輯!在幹嘛?」當鏡頭再現一對彈鋼琴手嘅時候,發現對手嘅主人竟然係好友林俊傑(JJ),見佢繼續深情自彈自唱出新歌《我們很好》,最後仲學埋周董招牌拍手動作「哎呦!不錯哦!」作結尾,跟到十足十呀!成班被周董整蠱嘅Fans就好失望留言話:「前幾秒我居然真的信了!」、「所以呢、你的專辑呢?」、「自己新專主打都没有,只能去彈别人的了」、「倫哥,能不能真的劇透一下自己的專輯啊,我們等好久了」。

而另一日,「雙J」再合體一齊,今次到JJ出Post:「喝飲料就是要有這樣的view!Good drink, good view﹗」,條片再玩錯覺,一開始見周董介紹所在地,然後鏡頭一轉又變番JJ,完美接合﹗不過Fans似乎唔收貨,繼續追周董出歌,相當爆笑!

---------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。