汪明荃指羅家英手術康復理想：佢小便自然

藝人汪明荃到電台宣傳9月底上演的多齣粵劇，阿姐透露已開始綵排，丈夫羅家英則剛由日本出席友人大壽返港，她說：「佢未開始排戲，要八月先開始排，佢今次做嘅戲唔係太複雜，我就要同新人演出，所以要排住先。」

講到早前剛接受完前列腺切除手術的羅家英健康情況，阿姐說：「OK呀，見佢小便嗰啲都好自然，日常生活都OK。（提佢注意飲食﹖）佢自己知，唔鍾意人提佢。（家英話你成日哦佢﹖）佢真係好夜瞓吖嘛，我都點幾瞓佢都未瞓，喺度睇電影。佢識照顧自己，大家唔使擔心，嚟緊仲有兩個廣告要拍，又要去返去橫掂拍嘢，佢呢排就真係發。（定期檢查傷口﹖）傷口冇事，因為佢割咗，依家等恢復番，半年後再檢查，好多男人到呢個年紀都有呢啲情況。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。