【娛場】歐鎧淳游入娛樂圈:想賺多啲錢!

2019年07月25日 12:30
東網電視
更多新聞短片
歐鎧淳走入娛樂圈,係希望賺外快。

提起歐鎧淳,我們會聯想到「女飛魚」,「最美持旗手」,「仙氣女神」等美譽,而近年阿淳亦有涉足娛樂圈,拍廣告,拍電影,拍劇,出席各種商業活動,她直言是為了賺多點外快:「唔係話做全職運動員搵唔到食,運動員一個月都可以賺到三萬幾,我哋係講緊持續性嘅問題,一退役之後,秒回做一個正常人,佢哋點同已經有好多社會經驗嘅人去競爭呢?我知道呢個現實,而當我好好彩有機會嘅時候,攞到平衡,游完水,休息夠,有空餘嘅時間就去接下job囉!」

由運動界踏進娛樂圈,阿淳絕對認同是兩個世界:「做運動員絕對係一份耕耘,一分收穫,但做藝人,好大部份係講彩數,即使好努力,都未必得到相等嘅回報,其他好似人際關係方面,就比較複雜,原來係有唔係做真我呢回事,做藝人嘅底線?咪係做人嘅底線囉!融入到未?總會融入嘅!因為對於人類嚟講,適應係一件可怕嘅事!」想知道更多歐鎧淳游入娛樂圈的內心世界,立刻收睇【娛場】啦!