張頴康爆囡囡畀《十二傳說》嚇親

藝人張頴康現身新劇《十二傳說》宣傳，他表示女兒太驚，不敢觀看《十》：「我一開電視，佢聽到套劇嘅音樂就話驚，跟住就會走去做功課。又會問我劇中嘅女仔係咪死咗，我話個女仔係我同事，佢冇死，我可以打電話畀佢同你傾偈。」

他笑言要錄起劇集的音樂，若女兒不肯做功課就播出來給她聽：「不過佢做功課都好乖。暑假囡囡冇功課，但太太唔想佢玩到癲，所以都安排咗少少練習畀佢做。（暑假會唔會去旅行？）之前一家四口去咗一個月美國，之後再去日本，去日本嗰幾日係我人生中最辛苦，喺美國可以揸車，但日本冇揸車，我前面孭住個仔，後面孭住背囊，一手攞BB車，一手拖住個女。經過嗰次之後，最多去台灣或者沖繩可以揸車。而且嚟緊囡囡要開始小學面試，所以最多只可以去四日旅行。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。