送水輝大小姐公開戀情　林淑敏擔心觀眾有負評

喺劇集《愛．回家之開心速遞》入面飾演「送水輝」嘅許家傑同「大小姐」林淑敏，喺劇入面一直都要玩地下情，估唔到佢哋前晚終於有突破性發展，林淑敏終於勇敢向全世界公開同許家傑關係，即使冇得做接龍集團話事人，佢都冇所謂，令到唔少網友拍手叫好，話佢哋終於可以光明正大拍拖！

許家傑接受東網訪問，話好開心同林淑敏合作得好開心，她說：「都成年半同大小姐合作，真係合作得好開心，希望可以帶多啲開心同正能量畀大家。（大家好開心劇中你哋光明正大拍拖！）感覺好似同觀眾一齊成長，由唔識到初戀、地下情，大家都認識我哋多咗。」

而林淑敏話好多謝大家支持，起初會擔心光明正大咁拍拖，觀眾會唔鍾意：「依家呢一刻，我覺得觀眾有負評唔緊要，最緊要係佢哋返去屋企開開心心咁開個電視睇，呢個係我最想做嘅事。」

---------------

立即參加「賞您睇」：　http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。