封肚唔再生　岑潔儀做屋企女王

育有兩子的藝人岑潔儀（Zoey）帶同大仔出席活動，她稱首次行親子騷，笑言事前已特訓對方如何擺chok甫士：「個活動係幫患癌小朋友籌款，囝囝今年四歲半，開始有做善事嘅概念，之前老公打拳賽去籌款，囝囝都知道咩事。我遲啲計劃帶埋佢去山區做探訪，行善要身體力行要身教。（佢肯唔肯捐玩具？）佢一定唔制，細仔七個月大，想玩佢啲玩具，佢都唔畀，佢有幾十部車，一架都唔肯畀細佬玩，我掉咗佢一架車，佢都知。不過佢平時好錫細佬，會分享嘢食畀細佬又成日錫佢。」問到會否再追女？Zoey揚言要封肚：「因為有個相士話我成世都係生仔，而且照顧兩個已經好攰，我係屋企嘅女王，唔好生一個去爭我嘅位置。（老公唔想生女？）佢好傳統只係鍾意仔，所以有仔已經交代到。」

---------------

立即參加「賞您睇」：　http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。