做盧鎮業老婆！廖子妤自爆中魔咒

藝人廖子妤（Fish）和盧鎮業出席主演的微電影首映，Fish更獲好姊妹余香凝到場支持。盧鎮業指於戲中飾演男主角的成人階段，而Fish就是他的「太太」：「男主角由5個人演，我就係演其中一Part，到年老部分佢就會喺院舍被綁住。」講到二人非首次合作，建立了深厚友誼兼默契，Fish笑指自己有個「魔咒」，就是逢合作過的男藝人都會接二連三再合作：「今次同佢係第3次合作。（對到厭？）可以隔一隔嘅，哈哈！但其實呢套戲都係一年前拍嘅，我仲係新演員，唔介意同邊位男演員合作。」

他們表示好榮幸能參與演出，並透露微電影是圍繞香港安老服務，特別關注到對腦退化症長者的照料部分：「有啲院舍會綁住啲老人家，但呢個方法係咪可以解決到問題？可以點解決？我哋就係帶出呢個問題去討論，都有專登搵啲專家、社工去諮詢。」

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。