張致恒蒲頭解畫 關智斌對擱置開騷嗌無奈

20190728
東網電視
更多新聞短片
Kenny受Steven牽連第一個紅館騷叫停,一個字,慘!
藝人張致恒(Steven)宣布結婚卻搞出「大頭佛」,一眾與他有感情轇轕的女生齊齊站出來數落他「一腳踏五船」,直接令他與關智斌(Kenny)「合體」的演唱會受影響,主辦商英皇娛樂隨即宣布演唱會取消。原本近日Steven與Kenny飛往布吉拍攝演唱會相關短片,Steven聞得自己「闖禍」即連夜離開,且玩失蹤,獨留Kenny撐大局!
Kenny於昨晚約11時45分由助手陪同飛返香港,英皇娛樂派出數名經理人及工作人員到場接機,頭戴帽子、一臉倦容的Kenny停步受訪,解釋是舟車勞頓所致,當問到是否仍未聯絡到Steven,他表示:「佢有聯絡返我,交代咗件事,我明白同理解嘅。(好嬲?)冇嬲,應該話我無奈。(大家戥你開唔成騷可惜。)上天嘅安排啦,呢個騷當初都係一個奇怪嘅安排。」
談到不少網民提議他繼續開騷,例如可搵張敬軒搭檔,Kenny表示:「(同張敬軒表演)好似講笑話咁,但我依家笑唔出。件事發生冇耐,公司決定擱置都係昨日嘅事,未同我講往後有咩安排。」返港後他會如常工作,稍後亦會為接拍的電影開工。
談到Steven的「桃花」,Kenny直言:「我都覺得有啲驚訝,不過我哋平時都係講啲無聊嘢,我知嘅同大家知嘅差唔多。(佢係咪好唔開心?)呢啲留返佢自己講啦,我有叫佢出嚟面對大家,要負返應有嘅責任。(傳佢問啲女仔借錢,你同佢有冇錢銀轇轕?)我同佢冇乜點計嘅,有時佢問我借、有時我問佢借,冇乜問題。(叫佢還錢?)我唔記得嘞。(你覺得佢係咪真係死性不改?)我唔識答!」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。