借錢畀張致恒還債?關智斌:你們要好好的

20190729
東網電視
更多新聞短片
關智斌同張致恒(左圖左)一世人兩兄弟,都真係幫到盡!
近日藝人張致恒(Steven)因為桃色醜聞而被封為「新一代世紀賤男」,佢仲連累好兄弟關智斌(Kenny),令到BOYZ紅館騷擱置。日前Kenny亦爆喊拍片交代事件,令人極為心痛,搞到唔少人都好擔心佢嘅情況。今日Kenny就喺網上晒出一張望海黑白照,感謝大家嘅支持同關心:「這兩天並沒有特別接觸通訊軟件和社交平台,但你們的鼓勵和支持,我一一收到了,原諒未能逐一回覆。抱歉令關心我的人擔心。我很好,感謝。你們也要好好的。」唔少圈中好友包括丁子高、黃浩然等亦有留言支持。
此外,有指Steven因為要還錢畀一眾「前女友」,所以就向Kenny同好友鄭希怡借錢,Kenny被連累後都依然肯幫助Steven渡過難關,如此不離不棄,認真夠老友!鄭希怡回覆東網:「有冇借錢就唔講啦!喺呢件事,朋友可以幫的很有限,最終還是要他很負責任的去處理所有問題。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。