預訂門票爆滿 田蕊妮想搵古天樂做嘉賓

20190729
東網電視
更多新聞短片
邀唔邀請到呢?
藝人田蕊妮為9月20日在旺角麥花臣場館舉行的《Kristal Tin New Start Live Concert》開記者會,因阿田喜歡影相,記者會現場放了阿田小時候到現在及和父母照片,如一個迷你相展。司儀宣布阿田的預訂門票已爆滿,阿田笑謂:「唔通預訂門票得3張飛?」她亦言開個唱好緊張,因觀眾是真金白銀買飛,正構思給觀眾看甚麼,已決定唱歌之餘亦有Talk Show加強娛樂性。至於嘉賓方面,她透露吳業坤走不掉,又笑言他的6嚿腹肌已六神合體。
下一站紅館門口
問到會否加場?阿田坦言應該不會。若下次再開騷會是紅館?她謂:「要集氣先得。(下個目標?) 或者喺紅館門口busking,都叫喺紅館開騷呀,咁紅館係每位歌手嘅終極目標,雖然我係歌手出身,但入行26年都未達到,希望有生之年可以做到啦。」
今次演唱會加入Talk Show元素,阿田坦言所以會有難度, 要在創作上取得平衡,Talk Show會從她自身出發,分享一下經歷和大家不知的趣事,從中帶出演唱會主題「New Start」,讓大家知道每個時刻都可以成「New Start」,觀眾看完騷可以笑着迎接新一日天。可擔心一說到母親便忍不住落淚?阿田謂認識她的朋友都知道她不懂掩飾,有時還過份直率和真實,但她就是希望將這最真實一面給大家看到。
爸爸做嘉賓練定歌
除了吳業坤做嘉賓,阿田透露爸爸都是嘉賓之一,還爆爸爸很緊張,不停忙於唱K練歌:「爸爸係我唱歌啟蒙老師,所以今次開騷我第一個就諗到佢。」問可會邀請曾做她MV男主角的古天樂做嘉賓?阿田笑言:「都想,唔知佢得唔得閒,或者等我去到紅館先啦。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。