與李佳芯爆姊弟戀 何廣沛同陳豪抝手瓜

20190730
東網電視
更多新聞短片
何廣沛、陳豪與李佳芯爆三角戀,劇情感人。
無綫新劇《愛美麗狂想曲》於銅鑼灣拍攝外景,吸引大批上班族和遊客駐足觀看,OL見到陳豪都為之瘋狂。老婆仔女飛了加拿大放暑假,剩下他一支公開工,坦言掛心,不過,他會既定時間表與太太和兒女培養感情,身心得到平衡,難怪「暖男」成為不少女士的偶像。就連劇中演富二代的何廣沛面對他都要投降。
廣沛與李佳芯於劇中發展「姊弟戀」,可惜Timing唔啱,最後男的要含淚分手。廣沛說分手戲未拍,但拍時我擔心自己會爆喊:「其實呢場戲講我同佳芯已經貌合神離,而佳芯又剛與陳豪有啲Feel,要我同『暖男』抝手瓜,佢太勁啦,我知難而退。(分手爆喊?)導演想我含淚,要畫面好淒美,但到時我驚會爆喊!」
承認有氹朱晨麗
講到「姊弟戀」,關係跟現實中31歲的他與32歲的緋聞女友朱晨麗(朱朱)一樣,大家的相處卻未見問題,問是否現實中都好接受「姊弟戀」,廣沛帶笑扯開問題:「佳芯咁靚梗接受啦!(我話朱朱呀?)哈哈…其實年紀差得少冇嘢嘅,十幾年就唔得啫!」廣沛稱劇中演富二代用物質氹女友,問他現實有這樣氹朱朱嗎?他笑言:「現實就梗係冇咁嘅能力啦!(齋氹呢?)個個都有氹啦!」
至於佳芯在劇中與廣沛和陳豪都先後有感情線,她稱不止感情線豐富,因為劇種是超乎現實,有不少上天下海的瘋狂情節,稍欠體力都難以應付,佳芯說:「好多幻想嘢,我仲要打怪獸,又要上天、下海乜都有,好激!(體力能應付?)開劇冇得瞓,抵抗力會差啲,會注意吓飲食,養生好重要!」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。