晒性感水着　Miss Hunny自認紙包唔住火

網紅兼魔術師Miss Hunny（何穎璇）除了拍搞笑片及網劇外，最近罕有放紅色連身泳衣性感照，對於她每次上載泳衣相都爆Like，網友大讚性感，她笑說：「我諗大家平時見我都係恤衫西裝之類嘅打扮，所以有時着小背心大家已經覺得我好少布。（覺唔覺得自己性感？）呢啲嘢係『紙包唔住火』！哈哈！不過我覺得對我有幻想嘅網友一定有異於常人嘅觀察力同忍耐力，好有眼光，佢哋咁欣賞我，我都欣賞佢哋。（遲啲拍戲，會唔會再挑戰性感底線？）如果劇情、角色需要的話，都有得諗！愛情喜劇就好啲，愛情動作片就唔好喇！」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。