密密造人　鄭伊娜潘敬祖目標生兩個

歌手潘敬祖（Felix）與太太鄭伊娜（Ena）去年在日本沖繩結婚，今年在港補擺喜酒，當日特別獻唱婚禮主題曲《幸福堡壘》，原來歌曲由兩口子一手包辦，他說：「當初好想同Ena有一首作品，所以我負責作曲，Ena填詞，希望將我哋嘅幸福送畀大家。」不過錄音當日，Ena患上嚴重感冒：「幾乎呼吸唔到，好擔心趕唔切。（冇諗過改期？）冇得改，因為我要做舞台劇，冇乜時間。」並自評表現只有60分，但Felix給予太太80分，他說：「我哋唔係唱家班，Ena係呢首歌嘅主角，冇人比佢唱得更好！但佢錄完擔心唱得唔好，所以我要輔導佢。」

談及造人大計，Ena坦言已努力進行中，希望生夠兩個，Felix則表示順其自然，希望明年有好消息公布！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。