同湯怡咩關係？洪卓立：互相安慰、相信對方

歌手洪卓立（Ken）日前作客TVB娛樂新聞台節目《StarTalk》，大談將舉行首個個人演唱會感受。Ken為個唱勤力修身，他說：「依家一早食碗飯，雞胸同蛋，之後就唔食澱粉質，（好辛苦？）直頭好似死，自己實在太鍾意食嘢，本身係飯桶，一冇澱粉質身體就出現狀況，會頭痛同好攰，原來心情會低落。」

談到去年跟湯怡分手，他說：「嗰兩日啲訪問係全宇宙最難做，但我覺得始終都要男仔來講，冇理由叫個女仔見人交代，我最驚自己嘅言語會令大家有所誤會，變咗另外一啲故事，怕太多揣測。」Ken又說：「大家仍有互相安慰，畀意見同相信對方。（再拍拖？）冇諗呢啲，專心演唱會先，減咗肥先講，靚仔番先溝女，我唔係為拍拖而拍拖嘅人，有啱先拍。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。