Dry爆譚嘉儀冇人追：我冇封盤，仲開緊盤！

本月13日生日的歌手譚嘉儀現身八月星辰活動，她稱今年已經31歲，問到如何慶祝？她表示：「都係同朋友食飯，年紀越愈，簡單慶祝已經好開心。另外會同粉絲搞個聚會，一齊唱歌同玩遊戲。（有冇男仔陪慶祝？）梗係冇啦。（生日願望係有仔陪？）我又唔會特別希望。只係希望家人身體健康，大家開心，拍拖唔會諗住，做好音樂先，最想係開個迷你演唱會。（家人有冇催你拍拖？）冇，因為我家姐已經結婚生仔，所以冇畀壓力我。（放棄咗你？）又唔會，緣分要嚟就嚟，我冇封盤，仲係開緊盤。（有冇男仔追？）冇人追，我又冇追人，邊有時間，單身好過同咗錯嘅人，以前好快就同一個人去開始感情，都幾衝動，依家唔會亂來，會睇定啲先，最想係搵個同自己有共同信仰嘅人。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。