中網紅濾鏡毀硬漢形象　黃曉明嚇呆鬧妖精

內地型男黃曉明五官出眾，同時下流行嘅花美男樣有好大分別，輪廓分明畀人粗豪男子漢嘅感覺，不過就算你幾Man都好，喺美顏濾鏡之下一樣要變「蛇精男」！

呢日黃曉明同一位網紅玩直播宣傳佢套消防員新戲，開頭個美顏濾鏡未發揮作用時，佢都係變得白滑咗，五官都仲喺度起碼認得出，但係個濾鏡鎖到佢個樣時，佢即刻變樣做細面、大眼、櫻桃小嘴同埋尖下巴，就連佢見到自己走晒樣，都嚇到劈大個口得個窿，仲問：「這是甚麼？妖精！」網民即時聯想起之前同樣嘅受害者郭富城，佢哋都係喺美顏濾鏡下變晒樣，由型男變妖精。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。