劇集收視好 李麗珍袁富華公開泳照謝粉絲

20190802
東網電視
更多新聞短片
有冇得快啲睇呀!
由李麗珍、陳國邦、廖碧兒、袁富華演出的ViuTV新處境喜劇《娛樂風雲》正熱播,袁富華透露劇集成為他與昔日好朋友重聚的契機:「對方係一個女士,以前嘅好朋友,見到電視有宣傳片,所以傳短訊比我相認,不過就唔好講太多啦,低調啲!我哋依家message多,係另類筆友,重搭番以前關係。其實我都想有好成績,所以等監製話好收視,我就會公開泳裝照答謝觀眾,放心一定會找數。」
珍妹就話有好收視時,會效法Ben哥公開泳照多謝Fans,不過呢一刻就專注角色轉變,因為初出場要捱世界,希望劇情去到後半段,可以捱出頭好好享受富貴生活,她說:「我泳照就一定冇問題啦!依家我都叫朋友一定要睇,唔好到我出場時,唔知前文後理。依家都拍咗一半,都好關心仲有幾多集要拍,其實劇組好就我時間,知道我拍得長時間,第二日都會比我開晏少少抖一抖。」
廖碧兒被以為26歲
至於廖碧兒就話依家讀書拍劇兩邊走,每三天往返香港、加拿大:「我依家返來三日拍劇,就即刻飛返去四日,一落機就開工,依家機票錢係貴過片酬,惟有喺飛機瞓覺睇劇本。(有冇校園戀愛史發生?)我平時返學都唔化妝,嗰邊啲同學以為我26歲咋,真係好開心,呢個係中國人好處,佢哋唔識睇我哋幾多歲。」
---------------
立即參加「賞您睇」: http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。