讚蘇頌輝勁叻！王梓軒自爆曾擔心對方冇拖拍

無綫明珠台節目主持蘇頌輝與圈外女友林藹兒今日在金鐘舉行婚宴，與新郎屬好朋友的王梓軒亦有參加，他表示：「大家都識咗一段時間，佢畀我嘅印象係好叻，兩文三語都識，有自己生意又做埋幕前，當時都好擔心佢冇時間拍拖，點知畀佢識到呢個咁有耐性嘅女友，真係完美配合！（幾時輪到你？）我冇咁快，都係30幾歲，唔使太急，係工作搏殺期！」

開騷搵張敬軒做嘉賓

入行十周年的王梓軒稱正準備演唱會：「因為拍戲都放低咗五、六年唱歌，要全面回歸樂壇，會搵張敬軒做嘉賓。（操肌？）自己都有操開，但唔係為露而操，為好體能啫！（除衫露肌？）都會請好多嘉賓，如果有人陪我除咪除，我有兩手準備！」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。