長期被騷擾　希澈怕私生飯唔敢開窗簾

韓國Sky Drama電視台的綜藝節目《為什麼來我家》將於今晚播出新一集，男團Super Junior（SJ）的36歲成員希澈將會亮相節目，公開他的寓所，預告於今日公開，一眾主持突擊去到希澈家中，而當時希澈正在開網上直播。

主持在參觀希澈的家中時，不時揭開窗簾，希澈即指討厭陽光，亦因為經常被私生飯侵害私隱，所以害怕打開窗簾，而希澈亦表示因為怕私生飯，而未試過同女友去旅行：「如果訂咗機票，粉絲就會即刻知道我幾時出國，以前因為太大壓力，買咗機票都會再改，但佢哋一樣會知道，我連電郵都唔敢用，連窗簾都唔敢開。」

2005年出道的他曾因為藝人身份而受過不少傷害，私隱也未能受到保護，但希澈就表示沒有後悔成為歌手：「年輕時曾經覺得好嬲同好討厭，但如果向好嘅方向諗，其實無論咩職業都係有辛苦嘅地方。」他又指如果將來有子女，會想與子女上節目，製造美好的回憶。