郭富城玩驚喜　突襲送花賀方媛生日夠浪漫

兩年前下嫁天王郭富城嘅方媛（Moka），到依家已經係兩個囡囡嘅媽咪，雖然要忙住湊B，不過城城都唔會忘記氹老婆，呢日Moka喺社交網甫出一紮粉紅玫瑰嘅相，並留言話：「節日裏浪漫的儀式感還是要有的……?每次都不知道大半夜哪找來的花，還問我喜不喜歡。」原來呢紮花係城城靜靜雞送畀Moka嘅生日禮物，網民都讚城城夠浪漫同埋有心思，仲話好想知道差唔多凌晨三點喺邊度有花賣！

不過翻差資料，2018年8月5日Moka喺微博祝過自己生日快樂，但係佢嘅「擬結婚通知書」上顯示係7月6日，究竟邊日先至係Moka生日，就要佢自己先知！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。