張致恒自揭惡行 欺騙未婚妻已跟前度分手

2019年08月05日 18:13
東網電視
更多新聞短片
佢惡行真係罄竹難書!

被封「新一代世紀賤男」嘅藝人張致恒(Steven)早前突然宣布與粉絲雯雯將會結婚,「正印」梁皓恩(April)更為此諗過自殺。Steven今日喺社交網連環發文,首先佢向April道歉:「在這件上面,我一直沒有和April分手,這是我不負責和惡劣行為。一直以來她都以為我係和她一個人拍拖,去到我公開事件,才發現原來一直以來都被蒙在鼓裏,浪費了佢嘅青春、佢嘅時間,我明白我做過嘅錯係唔應該原諒,但係我都要喺度好真誠嘅同April講一句:對不起!」

其後承認當時一腳踏N船,並稱自己心甘情願同雯雯結婚生仔:「過往曾經有過好多負面新聞。尤其是今次係(喺)呢件事上邊影響咗好多人,亦為大家帶來負面情緒,在此我感到萬分愧疚。在此事件上我想澄清:被欺騙嘅包括我既(嘅)未婚妻雯雯,我欺騙他(她)我早已和April分手。我講大話欺騙其他女生,說她用小孩威脅我和她結婚,但事實上我未婚妻從來沒有用小孩威脅過我任何東西,小孩是我堅決生下來的,他(她)一直原諒、遷就、忍讓我。我希望一些對她失實的指控可以暫停。」

Steven帖文一出,小五C小姐未知是否看過Steven的「大作」,隨即喺自己IG留言:「啱啱睇完個笑話!」至於未婚妻雯雯晚上亦喺發聲:「已經完成我的責任!」

--------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。