林穎彤扮自由女神騷胳肋底

歌手林穎彤（Bella）日前拍財務公司廣告，其中令她最滿意是扮自由女神：「唔單止要靚咁簡單，都有難度㗎，扮自由女神時，要舉高隻手露個靚胳肋底一段時間，拍之前我做咗好多美白工夫，個胳肋底包保雪白，冇毛、冇印又冇味。」自加盟星夢後，憑甜美樣子加上入屋形象成廣告寵兒，先後任美容院、消水丸、洗髮水、美肌飲品等產品代言，近七位數字袋袋平安。

她直認當歌手後拍廣告機會倍增，且價錢更是雙倍計，如何獎勵自己？她說：「我想儲起啲錢先，仲想拍多啲唔同類型嘅廣告，好似沐浴露、女性用品，就算係內衣褲都冇問題。」問到拍廣告的性感尺度，走清新路線坦言不介意性感：「拍沐浴露可以大露背，內衣褲要健康嗰種囉，即係泳裝款，（可接受透視內衣？）三點不露就得，都想趁青春留倩影。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。