馮小剛做月老！鄭愷被爆撻着苗苗逾半年

內地男星鄭愷擁有健碩身形俊俏外表，喺內地綜藝節目《奔跑吧》中表現出色，獲唔少粉絲封為男神。呢日就有消息指男神封咗盤，事關佢被影到與有傳同遊新加坡、拍過電影《芳華》嘅內地女星苗苗一齊同朋友打邊爐，食飽之後兩個仲孖住返鄭愷屋企，疑似同居令戀情曝光！有內地傳媒向雙方求證，但鄭愷方面未有回應，而苗苗嘅經理人就表示唔清楚。

不過有知情人士爆料話鄭愷同苗苗其實今年1月已經一齊咗，仲係由執導《芳華》嘅馮小剛做月老撮合添！佢話當初馮小剛係搵佢兩個拍戲，點知大家約出嚟開會食飯嘅過程中，發現佢哋互相有意思，所以就順手幫佢哋牽紅線喇！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。