鄭俊弘讚何雁詩係賢妻：佢整咗八味餸

歌手葉振棠、胡美儀、森森、斑斑等晚上在將軍澳電視城錄影節日《流行經典50年》，主持則由胡楓、鄭俊弘、譚嘉儀擔任。

鄭俊弘與譚嘉儀已拍檔主持了數集節目，漸漸上軌道，鄭俊弘笑說：「我第一次做主持，第一集真係好緊張，好彩有修哥喺度，佢一出場氣氛就好好，唱歌真係容易過做主持。」有主持經驗的譚嘉儀亦覺得是大挑戰，擔心講錯說話，亦要學習搞氣氛，故也感壓力。

鄭俊弘對於女友何雁詩稱學習做賢妻，近期頻頻在家下廚並擺脫「地獄廚神」之名，他笑說：「佢依家煮嘢食好咗好多，近排整咗個炆牛腩好好食，仲整咗八味餸，請朋友嚟屋企食飯，佢係一個好賢妻嚟。」單身的譚嘉儀笑稱也要走賢妻路線，不時將幫家姐湊BB的片段上網，吸引追求者。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。