麥芷誼同駱振偉滾床單呻攰

藝人麥芷誼（Koyi）近日有份演出ViuTV劇集《理想國》其中一個單元「愛的替身」，與駱振偉同吳海昕發生「三角戀」關係，她說：「入面我係飾演茶餐廳侍應莎莎，講我暗戀駱振偉好耐，有一日駱振偉執咗部AR（增強實境）眼鏡，帶住副眼鏡佢望我嘅時候，就會變成吳海昕，一直咁同我拍拖。」

另外，今次駱振偉享盡齊人之福，同Koyi及吳海昕拍親熱戲，而Koyi自爆同對方拍親熱戲竟然拍到攰：「因為我同駱振偉場親熱戲份都有成幾分鐘，佢做完主動就到我，大家一直喺床翻嚟翻去，再加上我生得高有一定重量，所以見佢都拍得幾辛苦，我哋兩個一聽到cut機，即刻鬆一口氣。」

---------------

立即參加「賞您睇」：　http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。