老公生日變美人魚　鍾麗淇兩女爭住獻吻

藝人鍾麗淇（Margaret）同老公上個月飛到馬爾代夫慶祝結婚周年紀念，隔咗一個月又有喜慶日子，原來佢老公尋日生日呀！Margaret喺社交網透露準備好所有嘢，除咗有愛心飯餸之外，又搵嚟細女Michela幫手整自家製朱古力香蕉蛋糕，動員全家！Margaret仲送上一個插上老公變成美人魚紙牌嘅蛋糕，認真Sweet又搞笑！

除咗有好嘢食，大女Isabella同Michela送上親手畫嘅生日卡，再加上錫錫，令Margaret老公笑到四萬咁口，一家四口成日都咁幸福，真係令唔少網友大叫好羨慕！