禁胡鴻鈞「發聲」　許廷鏗：怕佢…

歌手許廷鏗（Alfred）到電台宣傳新歌《我們與愛的距離》，他稱昨晚新歌在網上首播，他在網上平台開live與歌迷一同觀賞，可以即時知道歌迷對MV的觀後感和意見，歌迷都發覺這首MV比他以往的多了「見樣」，而MV是到台灣取景，他笑言：「咁台灣拍嘅MV一向出名拍得靚仔又瘦。」而做live時，他更拉埋好友胡鴻鈞（Hubert）隔空上線一齊傾，他謂：「啲人成日問我佢點？好番未？我好似做咗佢代言人咁，咪叫埋佢一齊live囉，佢都即場唱咗幾句我首新歌，我叫佢唔好唱太多，怕佢唱得好聽過我。」至於Hubert近況，他稱知已錄好兩首新歌，相信好快推出。

而Alfred又謂歡迎大家翻唱他的新歌：「為期一個月，希望大家盡量cover（翻唱）我首歌，我搵到之前演唱會最後三本紀念冊，邊個唱得好，我就將紀念冊送到佢府上，人哋有誠意，我都要有。」他稱現宣傳都不同以前，現時不只歌手，就算不是歌手都會在網上發布自己音樂：「只要唱得好，首歌就自然有人聽到，依家嘅氣候係咁，我哋做歌手都冇得高高在上㗎。」