梁浸浸睇祖兒騷勁興奮!握手位竟然冇晒電?

20190809
東網電視
更多新聞短片
鄭希怡帶囡囡梁浸浸去睇容祖兒演唱會。
藝人鄭希怡(Yumiko)日前就帶囡囡梁浸浸,同埋好友關智斌、鍾欣潼一齊去撐天后容祖兒(Joey)演唱會,Yumiko全程影低晒梁浸浸睇騷嘅反應,見梁浸浸勁Hyper、又好投入咁望住個舞台,係咁狂拍手歡呼兼大嗌「祖祖」,果然係Joey嘅忠實Fans!不過Yumiko驚囡囡嗌得太大聲嘈親身邊嘅人,就喺IG出Post「耍冧」︰「如果吵到身邊的人,真係係(喺)度講聲『唔好意思』。」仲大爆梁浸浸?事︰「終於到encore時,電池耗盡。下次記得留力,知道嗎? #應該係唯一一個睇容祖兒演唱會瞓覺的觀眾 #失禮曬(晒)」原來梁浸浸上半場玩得太High,搞到「走電」,喺紅館咁嘈嘅環境之下都睡魔急Call,喺Yumiko嘅膊頭度瞓着咗︰「等咗成晚的握手位⋯我竟然⋯」認真爆笑!
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。