畀好友詐型！許廷鏗恨再開紅館騷

歌手許廷鏗（Alfred）在音樂平台進行直播，今年在紅館開完首個個唱的他，透露有意再開演唱會：「公司有傾過，因為上次好多朋友詐型只係開得一場，同埋有啲歌係冇唱到，都係開心事，因為仲有啲歌係大家期待，唔係一次紅館就將所有嘢晒冷。（下次開唔止一場？）望係咁望。第一次做四面台，其實係開心，同觀眾嘅距離係三面台畀唔到你，去得紅館如果用到四面台就盡力去做，但四面台人數係多好多，你要賣多好多飛，所以呢兩年要加油。」

他表示最近都頻頻在社交平台直播宣傳新歌，計劃十月推出大碟：「呢個年初好難得可以出碟，仲要有十首歌，盡量做到盡善盡美。尋日仲錄緊歌，仲有兩、三首歌未錄。（趕得切十月推出？）盡量啦！應該都OK。」除了直播，他最近還到大學宣傳，跟學生作近距離接觸：「希望畀大家感受到係同大家同行，而唔係高高在上。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。