拍外景熱到火燒頭　蕭正楠爆翠如澳洲病咗

藝人蕭正楠（阿蕭）出席慈善餐舞會時透露會獻唱三首飲歌：「老中青都啱聽，都有練習過，但其實我都係唱幾個字，副歌就遞個咪出去畀人唱。」

提及老婆黃翠如與洪永城赴澳洲拍攝旅遊節目，問是否有掛念老婆？他說：「倒數緊啦，佢好似12號6點返嚟香港，如果嗰日冇嘢做都會去接機。（唔接就畀佢鬧？）又唔會鬧，佢慘啲囉，拎住兩個行李。佢最近喺嗰邊病咗幾日，因為塔斯馬尼亞（Tasmania）比較涷，佢帶啲衫又唔係好夠，等佢快啲返嚟，接佢返屋企休息吓或者去睇醫生。」

蕭正楠目前忙於趕拍新劇《愛美麗狂想曲》，將會拍至10月中旬：「外景好多，有時好熱上到車40幾度，一上車個妝都溶晒，頭都冧緊。但冇辦法，希望唔好太猛太陽！」

---------------

立即參加「賞您睇」：　http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。