太子女撈埋運輸　鄧穎芝單拖搬千磅貨物

歌手鄧穎芝（Vangie）早前出席活動時，自爆發生家居意外「墮樓」受傷，落樓梯時拗柴，搞到右腳腫到豬蹄咁，但佢都冇好好休息，呢日喺社交網透露為同老友張紋嘉合作搞嘅二手衫生意「轉行」做搬運工人，一個人要搬兩個櫃加11袋嘢，加埋成千磅，但一樣搞得掂，佢着咗短牛仔褲、白色背心，隔籬有兩大袋紅白藍袋留言：「可以parttime做搬運工人，34度，一個人，一身汗，一隻拗咗柴嘅腳。一架板車，搬兩個櫃，加十一袋加大紅白藍，差唔多一千磅。四個鐘，冇車，觀塘鴻圖道搬去偉業街。唔鍾意打攪人，自己做到嘅嘢，我都係鍾意親力親為。」話晒Vangie都係太子女，屋企人搞飲食業，但佢不單冇公主病，仲靠自己雙手去創業，真係好彩平時有健身嘅佢，少啲力水都唔掂，不過佢話搬完隻傷腳又腫晒，好好保重啦。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。