相隔32年！露雲娜開心再出黑膠碟

歌手露雲娜與朱紫嬈現身影視展宣傳其黑膠唱片，露雲娜透露其最後一張黑膠唱片是1987年推出：「估唔到三十幾年後再有機會出黑膠，真係好開心嘅事，黑膠啲聲又靚。我以前都好鍾意買黑膠碟，為儲錢買碟而唔食嘢，我仲記得當年好鍾意買奧莉花紐頓莊（ONJ）嘅碟，只係$16.5。」對於ONJ患了第四期乳癌，露雲娜大表難過，並每日為對方祈禱，希望她早日康復：「我9歲起就鍾意佢，一直冇變過，佢出過嘅唱片，我全部有齊，近兩年都經常攞番出嚟聽。」

至於朱紫嬈首次推出黑膠碟，她坦言從未想過：「我尋日第一次見到自己嘅黑膠碟，真係好開心，我上年咗隻普通碟翻唱陳百強嘅歌，冇諗過反應咁好，今年就將隻碟變成黑膠碟推出，好似升咗上天咁。」她透露明年是她入行十周年，明年會於旺角麥花臣開騷。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。