留喺香港讀大學 黃淑蔓食物中毒晒「假腰」

20190810
東網電視
更多新聞短片
黃淑蔓食物中毒呀!
歌手黃淑蔓出席在Mira Place中庭舉行的「樂在當夏Gimme LiVe音樂節」,唱出《差一點我們會飛》等曲,她表示:「首歌係我14歲時唱嘅,依家聽番覺得自己唱得好難聽,但最近唱番呢首歌,每次唱完都好想喊。」露出小蠻腰的她笑言是假的:「因為我之前去泰國食物中毒,又屙又嘔。(有冇瘦咗?)都有2、3公斤,但塊面冇瘦到囉。」問到食了甚麼食物中毒?她表示:「其實我都好驚冇食街邊嘢,差唔多晚晚食杯麵同便利店,點知都瀨嘢,可能係個榴連蛋糕有事,因為真係好好食,我仲食咗兩次。」她又表示泰國是畢業旅行:「因為啱啱考完DSE,一個人去咗台灣旅行10日,又去咗日本,同同學去泰國,好開心。」
喪食有報應
問到平時可多水土不服?她表示小時候腸胃都不好,但入行後好番很多。她又笑言今次可乘機減肥:「因為其實我同大家講想7月27日開始一個月減肥,點知26號就食物中毒,我想努力減走baby fat,要控制飲食同做運動。」剛18歲的她又笑言:「覺得18歲後快速衰退,之前日日食五、六餐,又唔做運動,依家有報應啦,得中學仲有體育堂,中學之後就唔會做運動。」
而講到她剛考完DSE,她透露成績比想像中理想,雖然入不到心儀的學系,但有收到另一offer:「不過唔係我想讀嘅嘢,唔想4年讀得唔開心,唔想為大學名而讀,所以就放棄咗個offer,之後好驚冇書讀,都有諗過報啲外國或台灣嘅大學,後尾揀咗留喺香港讀大學,會繼續邊讀書邊唱歌。」
陳子聰精神奕奕
同場有Hip Hop組合廿四味,壓軸出場的他們全部以黑超示人,其中陳子聰紮上丸子頭,之前肝臟有事但已康復的他身形甚fit,精神及心情很好,不時笑笑口。他們唱出幾首歌,其中唱《激光中》前笑言:「可惜冇激光槍。」唱完後多謝羅文一首咁好的歌,又唱出《Hong Kong Kowloon》,表示:「介紹人香港係咩地方。」最後他們更Encore唱出《Wonderland》,但事前他們表示不接受訪問。
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。