夜會神秘女去「滾」！李雲迪當街小便捱轟

鋼琴王子李雲迪雖然曾傳出斷背，不過2017年被影到有女友，雖然承認戀情，但自此冇咗下文！而最近佢就被影到去「滾」，與一美女深夜食火鍋，疑似新戀情曝光，不過竟然有另一重點！有指佢當晚揸車前去接長髮美女時，揸到中途突然戴帽落車，環顧四周以為冇人時，放下戒心走入草叢小便，仲話佢踏入叢中時跣咗一跣！

隨後佢再上車到某個路口接載神秘女子去「滾」，食完之後兩人並肩同行，有指該神秘女子樣靚身材正，但網民都已經「錯晒」重點，批評李雲迪當街小便冇公德心，自毀形象，就算幾急都唔應該喺路邊去廁所咁話！

---------------

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。