梁舜燕病逝　楊千嬅：佢好似媽媽咁樣

「上等人」梁舜燕（Lily姐）病逝，她為無綫拍攝了幾齣劇仍未播出街，包括跟楊千嬅合作的《多功能老婆》，千嬅說：「其實聽到呢個消息係好突然、難過，真係好突然，我記得拍完劇冇耐，早幾個月前仲有見過面，出嚟食飯。」她大讚Lily是一個好Nice的人，她說：「佢好好，好似媽媽咁樣，會同我哋傾吓偈，分享吓人生經驗，會同我傾吓個仔，湊仔點樣，佢係好有耐性，拍劇嗰段時間係好辛苦，佢係好專業，同我哋一齊去等，佢會好體恤後輩啲人，所以同佢一齊好開心，你會好似有個長輩同你傾偈，好似媽媽喺度，令到拍攝現場好安心，佢好專業，我記得有場大圍嘅重頭戲，係好嚴肅，Lily姐嗰次有段戲要演繹母子之間嘅感情，佢一Take過就拍晒，大家都好感動，被畀感動到喊，所以收到佢走嘅消息係好突然，好唔捨得同好難過。」

至於跟梁舜燕合作過的宣萱亦表示：「Lily姐是一個很積極正面的人，教懂我很多做人的道理，對於她的離世感到很難過，希望她一路好走！」