麥明詩唔認讀書多人追：睇我中學張相就知啦

無綫藝員麥明詩、馮盈盈與陸浩明在將軍澳電視城為節目《#後生仔傾吓偈》錄影，汪明荃擔任嘉賓教眾人粵劇技巧，馮盈盈笑謂可與麥明詩組成「青山粵劇團」，麥明詩笑說：「唔好拉埋我落水。」她又笑指汪明荃大讚馮盈盈有潛質演粵劇，因聲線夠響亮，連咪也可以不用。

講到汪明荃嫌二人問題不夠大膽進取？麥明詩笑說：「我諗住畀多啲機會班後生仔問啫。」麥明詩對於嘉賓梁心怡爆中學時已經多追求者，她笑說：「唔知佢喺邊度聽返嚟，我中學嘅時候好努力讀書，大家睇到我中學張相就知有冇人追啦，呢件事要fact check吓。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。