頭盔都裂埋！衛志豪鐵騎遊出事頭撼引擎

無綫藝人衛志豪（Michael）早前孖住林子博遠赴歐洲，拍攝節目《歐洲鐵騎遊》，揸電單車遊勻奧地利、德國、意大利及瑞士等多個國家，其中佢更勇闖海拔高達2,758米嘅山脈，挑戰多達48個彎道，可謂一大創舉！

Michael大爆原來旅程中曾發生驚險意外，「零米跌車」導致撞到頭部，幸得頭盔保護才平安無事，佢表示：「嗰陣我打算停車等埋後面嘅人，點知原來嗰個位置有暗斜，一停車就拉唔實架車，連人帶車傾側，咁啱側邊有另一架車，我就成個頭撞落人哋架車嘅引擎位，搞到連頭盔都裂埋，之後都有啲頭痛，好彩冇咩大礙。呢次都係我第一次跌車，所以都幾難忘，而經過今次我嘅駕駛技術都進步唔少。」佢又透露此行最開心係有幸參觀汽車博物館。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。