陳柏宇踩過界做導演畀蔣祖曼笑

20190817
東網電視
更多新聞短片
陳柏宇踩過界做導演。
歌手陳柏宇(Jason)接受新挑戰,就是執起導演筒擔任導演,而他的首次作品,就是他的新歌《七折》的MV。新歌由他唱出坊間男女對愛情的自愛愛情觀。首次要孭起重擔去執導,坦言心情很迷惘:「以往做演員時,有時會唔明導演嘅要求,點解要咁演?到自己執導時,有時知道自己想要乜嘢,但唔知點樣拍到或表達出嚟。」幸好導演阿權給他不同意見和支持,又給他很大的自由度,Jason說:「其實都幾開心,因為可以自己話事,阿權又好配合,佢畀咗好多信心我,可以從自己嘅Vision(視覺)去做,尤其係當做到嘅時候,係好開心嘅。」
雖然Jason以看似輕鬆的心情去迎戰,但他的功夫做到足,由MV的構思、籌備到拍攝,Jason都親力親為參與其中。故事本身是個Sad Story,有多場複雜的內心戲。邀得藝人周俊偉和蔣祖曼演繹故事,周俊偉在MV 中演出陪伴女友走過悲傷、但自己卻走不出陰霾,他坦言今次的演繹有一定的難度,周俊偉說:「因為個古仔講發生咗件事,Hit到我傷心處時,因為唔會有太多動作同劇情去交代,所以我要靠表情同情緒上嘅爆發去表達角色,係比較內心啲嘅戲。」提到最難忘的一場戲,周俊偉坦言是浸落浴缸的一幕,他說:「好難!因為要拍到要一個好靚嘅浸落浴缸嘅鏡頭,啲水一定會入到鼻,一定會嗆到,我其實飲咗幾啖水,好想即刻衝返出嚟,但係死都喺水底度忍住。」
蔣祖曼表示以前曾在一套劇集中與Jason合演過,看到他以「演員」和「導演」兩個身份的不同表現,她說:「就咁睇現場嘅Jason,已經覺得佢非常認真,如果你平時認識佢個人,就更加覺得佢今次係極度超級認真!未見過佢講咁少嘢嘅,哈哈,以前同佢拍過一套劇集,嗰陣時佢成日掛住玩,被導演鬧,今日到我喺現場見到佢,我忍唔住笑佢『你都有今日喇!』我好想影低Jason張相,再Send畀我哋當日個導演睇。」Jason可以踩進新界別,他笑言全因老闆放膽讓他嘗試,有興趣再執導。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。