阿嬌搵動物傳心師　愛貓最唔鍾意係乜？

藝人鍾欣潼（阿嬌）有隻5歲多嘅貓貓QQ，樣子實在萌爆，難怪阿嬌都融化成為「貓奴」！最近阿嬌為咗更加了解QQ，專誠去搵動物傳心師，而得出嘅結果竟然係，QQ唔鍾意主人睇手機，認真搞笑！阿嬌說：「最近有個動物傳心師朋友幫我同QQ溝通！感恩我有一隻咁可愛咁乖又咁願意陪伴我嘅貓貓 你一直都係我嘅小Baby 只要你開心就開心啦！（佢唔鍾意我睇手機 我要匿埋睇 因為QQ唔鍾意啲光 哈哈） 」

阿嬌並向愛貓發表愛的宣言：「總之你就係我嘅小太陽啦❤有了你開心啲乜都稱心滿意 鹹魚白菜也好好味」依家QQ「主子」大過天，唔知老公賴弘國又會唔會呷醋呢！

另外，同樣都係貓奴之一的羅志祥女友周揚青亦有留言，希望阿嬌介紹傳心師畀佢識：「介紹一下給我，我也要和我家貓溝通一下，他為甚麼這麼不愛理我。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。