傅嘉莉追求靈性溝通 男仔識呢樣嘢會加分

20190819
東網電視
更多新聞短片
傅嘉莉話如果男仔識一樣嘢會加分,究竟係咩呢?
藝人傅嘉莉(Kelly)於熱爆中劇集《包青天再起風雲》首次做打女,又首次陷入多角戀,而現實生活中亦曾被兩男狂追,可惜錯timing未能發展。現ready迎接戀情的她,放風指追求靈性上的溝通,識作詩有分加。
兩男同時力追
Kelly於《包》劇中有多條感情線,她笑言:「有多角戀,同張振朗、張頴康同歐瑞偉,第一次戲中咁多感情線,個個都係男神。」現實生活中,問到有否試過多人追?她說:「讀書時,同一時間有兩個男仔追,佢哋本身係好朋友,我哋成日一齊玩,之後各自有示愛嘅短訊,覺得timing唔好,但當時冇諗過拍拖,想讀好書先,而且佢哋又係朋友,都係覺得做朋友開心啲。」至於現在會否想拍拖?他說:「我冇抗拒識新朋友,都希望Mr.Right出現。(到時閃婚?)我一路目標想事業有所成先結婚生小朋友,因我想生小朋友,驚自己依家生兼顧唔到,希望過三、兩年,事業再衝吓先。」
被打中氣門落淚
Kelly劇中飾演湯曉晨,網民大讚靚女,還作了詩給她,Kelly開心說:「好開心佢哋咁投入,對住曉晨寫咗詩。(有冇男仔為你作詩?)都有人send啲好sweet嘅引句,都好有feel,係加分。(追你寫詩會加分?)會加分,我會鍾意靈性上嘅溝通。」首次做打女的她,專程上堂學摔跤,表示打得周身傷,更試過被打中氣門,忍不住落淚,說:「試過有場打戲太投人,對手冇留力打中氣門,第一次被打到抖唔到氣,好驚,未試過呢個感覺!一熄鏡頭就喊咗出嚟,我唔係嬲對手,係身體反應,因為又驚又痛,又試過被打到眼框瘀咗好痛,不過就算辛苦,出嚟效果靚,就乜都值得。」
場地:南瀛水產
---------------
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。