范冰冰醫院探訪病童送暖　網友竟然錯晒重點

內地女星范冰冰去年捲入逃稅風波後黑氣纏身，之後更同李晨分手，一時間流言滿天飛。雖然飽受挫折，但一向心地善良嘅冰冰都繼續為善不甘後人，不時做義工探訪病童。呢日佢就帶埋禮物去醫院探小朋友，見到淡妝現身嘅佢以T恤短裙休閒打扮上陣，同小朋友有講有笑，仲好親切咁抱起佢哋，相當有愛心。

不過網友就錯晒重點，繼續將注意力放喺冰冰個肚度！事關公開嘅相入面大部分都係近鏡影冰冰，企直影到大半身嗰張又咁啱用書包遮咗個肚，但有一張冰冰對住班小朋友拍手嘅相就見到佢有啲肚凸凸......網友都話睇嚟冰冰要再努力啲減肥喇！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。